مساعدة منكم إخواني فالأمر مستعجل الله إنصركم

ما هي التحاليل المطلوبة من طرف الشرطة و كم ثمنها أجيبوني الله إسهل ‘ليكم

خي على ما أسمع تحاليل القلب ، و الدم ولكن ما نوع تحاليل الدم الله أعلم من له العلم يا أصدقاء أنا أيضا اريد الجواب .
التوفيق لنا جميعا

اي تحاليل لاول مرة ام المناداة الثانية

التحاليل لأول مرة أخي

بنسبة لاول مرة تحاليل القلب بالنسبة للدم تحاليل على السكر وفقر الدم لا تخف واش من حراس الامن؟

السلام عليكم

التحاليل المرة الأولى يطلب nfs و glycémie

يعني فقر الدم و نسبة السكري في الدم مايعرف عندنا بالسكر

اضافة الى تخطيط القلب ولا تنسى ان تخبر الطبيب انك تريد التخطيط من أجل امتحان الشرطة ليكتب لك ورقة الملاحضات فهي ضروووورية..

الله يكمل بيخير

متى اجتزت الشفوي اخي الجوكر الغامض?

الشفوي 05 أكتوبر

الفحص المضاد 26 أكتوبر

وأنت ؟

12_10 الشفوي

الفحص مازلت أنتظر و الله المعين

اللهم يسر

الله يسمعك خبار الخير أخويا

امين نسولك بنسبة للمناداة على الفحص واش كيكوناعتباطي او الانتقاء ام مادا؟

اخويا هاني نقولك التفاضيل كاملة

حنا دوزناه فالفوارات

دخلنا ف 7 ديال الصباح و بقينا فواحد القاعة حتى لشي 10 ديال الصباح وحنا غير جالسين عاد جات واحد اللجنة من الموارد البشرية عطاونا عمرنا واحد الالتزام + واحد الورقة فيها بلاصة فين دوز السطاج..

من بعد مشينا للمستوصف دخلنا عند واحد الطبيبة غير بالملابس الداخلية (كالسون) كيما المرة الاولى فالشفوي ديك الطبيبة غير كاتعطيها تشوف التحاليل و التخطيط ديال القلب لي ديتيهم معاك فالشفوي من بعد كاتقولك سير و أجي قدامي

كاتشوف المشية ديالك من بعد كاتمشي عندها كادير ديك الصناتات ديال القلب كاتبقى تسمع دقات القلب + التنفس

من بعد كاتخرج تمشي عند طبيب اخر كاتعطيه 300 درهم وكايعطيك قرعة صغيرة لي غادي يديرو فيها الدم ديالك ديك القريعة كايكون فيها رقمك

من بعد كاتمشي عاود لبلاصة فين كايحيدو الدم كاتدخل تما كاتعطيه القرعة كايديرلك الشوكة و يعمرها بالدم و كاتخرج تنتظر على ما يسالي كلشي التحليلة و كاتدخل تتغدا ب 10 دراهم من بعد صافي مشينا بحالنا

هادشي لي كاين

الله يساهل الامور صافي نتا نشاء الله مقبول بنتيليا انسان طيب الله يصخرليك الطريق ولكن بالنسبة للتعياط كيفاش كايكون بالترتيب اولمعيتولوش هزو لما او داكشي بالجهات حت اتصلوا بشي اصدقاء معايا ف مجموعة

اللهم أمين أخويا الله يسهل على الجميع

شنو غادي نقولك مانقدرش نعطيك جواب لي تعول عليه فيما يخص المنادات

راك عارف هاد الادارة السيستيم ديالهم كيف داير حتى واحد ماكايعرف كيفاش داكشي ديالهم

المهم هو انه الدراري لي دوزو الفحص المضاد كانو كلهم من نفس المجموعة لي دوزنا فيها الشفوي

وفالشفوي كنا تقريبا 120 شخص و فالفحص المضاد كنا 54 فقط

البقية ماعرفناش واش غادي يناديو عليهم في فوج أخر أو تم اقصائهم في الشفوي الله وأعلم مامصيرهم

الله المعين

اخي ثمن التحاليل هو 300 درهم و يجب ان تجري التحاليل عند طبيب اختصاصي

مهدي بالنسبة للشفوي التحاليل تجرى عند طبيب اختصاصي 150 درهم nfs + clycémie

و 200 درهم من أجل تخطيط القلب

أما في مرحلة الفحص المضاد 300 درهم كاتديها معاك للمعهد كاتعطيها للطبيب لي كايعطك قريعة صغيرة فيها الرقم ديالك باش فديك القرعة كاياخدو عينة من الدم لأن ديك التحاليل هما لي كايديروها

أخي الجوكر الغامض ديك الطبيبة لكاتعطيها تشوف التحاليل و التخطيط ديال القلب
واش هي إختصاصية في أمراض القلب؟
وشكراً.

الجوكر الغامض كتب:اللهم أمين أخويا الله يسهل على الجميع

شنو غادي نقولك مانقدرش نعطيك جواب لي تعول عليه فيما يخص المنادات

راك عارف هاد الادارة السيستيم ديالهم كيف داير حتى واحد ماكايعرف كيفاش داكشي ديالهم

المهم هو انه الدراري لي دوزو الفحص المضاد كانو كلهم من نفس المجموعة لي دوزنا فيها الشفوي

وفالشفوي كنا تقريبا 120 شخص و فالفحص المضاد كنا 54 فقط

البقية ماعرفناش واش غادي يناديو عليهم في فوج أخر أو تم اقصائهم في الشفوي الله وأعلم مامصيرهم

شكرا على المعلومات انا من نفس فوجك10/05 سؤال هل انت متاكد من ان كل فوج الفحص المضاد هو من نفس المجوعة وهل كنت اول فوج اجتازاختبار المضاد ماهو مصير بقية فوج05/10