المخابرات المغربية

غير كاتسمعو المخابرات كاتقول DST ،، حيتاش هي لي كانسمعو بيها بزاف لكن راه المغرب كايتوفر على 15 جهاز استخباراتي و DST غير وحدة من دوك الأجهزة و مكاتبانش قدامهم،،كاينة مديرية الشؤون العامة و هي لي خارجين منها كاع الأجهزة لخرين بحال الى قلتي البنية التحتية ديالهم و هادي المهمة ديالها تجمع و تحلل جميع المعلومات صغيرة و كبيرة على المواطنين المغاربة لي كاتكون جاية من الولي و المقدم الى أخره،،و كاين جهاز الإستعلامات العامة،، هادو مكلفين بالمظاهارات و جميع المعلومات السياسية،،وكاين مديرية الشؤون الملكية و باختصار هي المكلفة بحماية الملك،،وهناك المديرية العامة لمراقبة التراب الوطني أو أصحاب الغابة المهمة ديالهم مكافحة التجسس داخل المملكة و مراقبة كل النشاطات داخل ارض الوطن كيفما كان نوعها و هادي هي DSTو كاين مديرية شرطة الاتصالات والموجات هادو المهمة ديالهم التصنت على المكالمات و مراقبة الأنترنت هاد الناس عندهم قاموس لعوي كبير عامر بالكلمات المشبوهة متلا تكون كاتهدر فالطيليفون و تدكر كلمة جيش أو سلاح إلى أخره يتم تسجيل المكالمة اوطوماتيكيا و معاينتها لاحقا ،، المهم تحية خاصة لهادو من عندي راهم متبعين معايا الموضوع تبارك الله عليكم

أجهزة لي هدرت عليهم في السطاتي السابق كلها تابعة لوزارة الداخلية،، أراك دبا لهادوك لي صداع الراس لي تابعين للجيش المغربي ..
المخابرات العسكرية المغربة،،لادجيد،، أو المديرية العامة للدراسات و المستندات،، و هادو لي من صغري ونا كانحلم نخدم معاهم ههه المهمة ديالها هي التجسس فينما كانت المصلحة ديال المغرب بحال السي أي أي و كايتعتابرو من أقوى الأجهزة الإستخبارانية في العالم،،المهم في الوقت ديال الإستعمار الفرنسي كانت فرنسا هي لي مكلفة بالمخابرات في المغرب و حتى من بعد الإستقلال بقاو هما لي مكلفين بيها،، لكن من بعد تكلفت بإعادة الهيكلة ديال المخابرات ديالنا أمريكا و الموساد ' المخابرات الإسرائيلية ' .. المخابرات المغربية ماقديماش بزاف كان الــتأسيس ديالها فــ 1973 و مند الــتأسيس ديالها كانو المدراء ديالها غير العسكريين الجنرالات حتال 2005 شدها لأول مرة مدني و باقي لحد الأن لي هو محمد ياسين المنصوري لي قرا مع الملك فالكوليج روايال .. وكايبقا دور ” لادجيد” الرئيسي هو استباق الأحداث التي لا تزال الدولة تتوجس منها بطريقة أو بأخرى

زيادة على دالك لادجيد مرتبطة بالمؤسسة الملكية من نهار تأسست و عندها بزاف ديال الأدوار ماشي غير التجسس منها مراقبة الحيش و منبعد الهجمات الإرهابية فكازا ولا محور الإهتمام ديالها هو مكافحة الإرهاب،، والمعلومات الاستخبارية عن الأنشطة الإرهابية وأيضًا كل ما يخص قضية الوحدة الترابية (ملف الصحراء) ...و كاتبقا ديما لادجيد تحت الإمرة المباشرة ديال القصر الملكي.. و الميزانية ديالهم مامعروفاش لكن قدروها شي ناس على أنها 10 ديال المليار ديال الدرهم سنويا و عاد كاتوفر على صندوق أسود لا يعلم خباياه غير المدير ديال اللادجيد

و زيدكم باش تعرفو واحد الخاجة لادجيد فــ 2001 حدرات ميريكان من هجمات غادي تكون و المخابرات ديال ميريكان ماتسوقوش أو بالأحرى هوما لي كانو موجدين ليها عليها ماتسوقوش .. زيد عليها مختارقين تنظيم القاعدة و زيد عليها أن رؤساء و كبار الشخصيات في الخليج المخابرات المغربية هي لي مكلفة بالحماية ديالهم .. و كل عام كاتكون دورات تكوينية للعملاء بالمشاركة مع المخابرات الأمريكية و الإسرائيلية ،،

مؤخرا لادجيد شرات برنامج من شي شركة إيطالية هاد البرنامج المهمة ديالو التجسس عبر الإنترنت،، كايستاعملوه باش يختارقو جميع البرامج المعلوماتية بما فيها التجسس على المحادتات في الفايسبوك و السكايب و الإميل المهم تقريبا كل شي كاديرو فالبيسي ديالك و عنهدم القدرة يختارقو الحاسوب وقتما بغاو،، المهم كلشي مراقب كبيرة و لا صغيرة و هادشي ماشي كاع الدول قادرين عليه كاينين دول لي قادرين على هادشي و هما قلال ماشي كلشي،،

يعني بغيت نوصل ميساج لهادوك لي كايديرو باج و يبدا يسب و يعاير و يشوه و مكونيطكي بـــ VPN و يسحاب ليه صافي بدل الإيبي راه مايجبدوهش،، ههه راه كلشي معروف أحنيني غير كالما كالما