النتائج النهائية للجماعات المحلية

اخويا انا ماطفرتوا مع السراقة الكبار السابقين الي بسبابهم احنا مطرودين احنا ضحية صراعات سياسية واش 160 مجاز تخرج من مؤسسة وهي حاملة الكريدي حقا دخلوا بدون مباراة علاش صراع مابين السيديتي والاتحاد الاشتراكي خاي احنا الي ادينا الثمن وغالي بزاف فانا تنقوليك لو جات عليا ويخليوا لسيدنا كلشي السلط بيدو وترجع المؤسسة الملكية كلشي بيدها فحال في حالة اسثثناء راه صدقني لا الملتحي غنطفروه معاه ولا الفاسد راه كلشي فحال فحال غير التنظير راه المشكل في الكرسي الي تيجلسوا عليه فيه لعنة اسمها انسى الشعب وعيش حياتك وخبر عليهم شي خبيرة خويا راه ولادك مايمكنش في نهار تقولهم جاني السيزي راه غترجعوا للكريان وراه هذاكشي الي عامل بن كيران وغير دقة دقة هالزيادة
اجي نقوليك عمل للاراميل والمطلقات مبلغ هذي اشادة مني ليه ولكن عرفتي الشرط الي عندها الاولاد والي معندها ولاد تخرج تفسد اش هذه القرارات المجحفة علاه هذيك الي عندها الاولاد ماشي امراة مازال الي عندها اولاد تتنظر واحد النهار امل في اولادها وهذيك المطلقة من غير اولاد والى كانت عقيم اخي الى بغيت توازن صعيب صعيب هذا راه القانون وفيه ثغرات ومرضات الناس امر صعب لكن متجابهش الموج وتقول انا افلاطون

خويا ياك هذا هو الدستور الي نوضتوا عليه الحيحة وبغيناه يكون وبراكا من التحكم وووووو عرفتي انا تنحمد الله لي ممخلينش ليهم كلشي السلط اخي بغيتي ولا كرهتي احنا الي بايعين ريوسنا نهار فعلا نختارو ونقولوا لا مبغيناهمش بكل ادب واحترام ودون تخريب واهدار اموال ناس يكون المنطق والوعي خدام راه فهديك الساعة نقدرو نزيدو لقدام انا مرة تفرجت في اضراب داروه في اوربا على الزيادة ديال البترول كلشي حط سيارتوا ومشاو على رجليهم والي ركب دراجتوا عادي كاينة روح المسؤولية واحنا نهار تيقولك الخميرة تزاد فيها وتتلقة الدار ثلاجتها عمروها غير بالخميرة لا ناري غتقادى اخويا نغيروا انفسنا بعد في الاختيار السليم والواعي والمتقدم انا الي تنقول معجبني حتى حكومة من حقي وتنقوليك عاجباني الدولة العلوية لانها عندنا ريحة الرسول صلى الله عليه وسلم وملكنا محمد السادس سبط الرسول يعني دولة شريفة اخي احنا الي ممزيانينش بعدم الوعي ديالنا والتجابه والى بغيت حقي خاصني ناخذوا بيدي لا اخويا حقنا تيتخاد بالعقل والمنطق ونخلي الناس تعبر عن رايها دون خوف او تزييف وتكون هذيك الناس حتى هيا تتعبر عن رايها بكل احترام وادب وعي باش يوصل لمبتغاه ماشي بالقتل او التهديد والاضرار بناس ضعيفة اخي ومغنقولكش لا متورطنيش في الكلام مميمكنش نعطيوا لشخص كامل الصلاحية وهو غير كينظر فحال الى قلتي جابوا زيد واعطاوه مدير حسابات في بنك وهو ماعندو صلة بالفلوس واش بغيتيه يخربها ضروري من الاستشارة والقوة والذكاء يكمن عند بنكيران في خلق سياسة مدروسة ماشي فحال الصورة الي حاب يعطيها لينا بن كيران كيتخاصم مع الحزب ديالوا في سبيل قرارات مصيرية واخويا راه السياسة صعيبة عرفتي هذوك الي حطوها مافاهمينهاش

ما يجب معرفته هو انني لست ضد اي شخص بالمنتدى وانما الامر مجرد نقاش ,وتبادل الافكار والاراء بيننا حول قضايا سياسية بامتياز اقدر كل ظروف الجميع واتخيل نفسي في وضعكم كيف كنت ساقاسي واعاني مرارة الحرمان والبطالة حتى انا لدي اخ واخت مجازة واعرف نفسيتهما الحالية جيدا فمزيدا من الصبر والارزق بيد الله واعلمي ان هده الحياة فانية وستاخدي حقك مهما طال الزمن

ما يجب معرفته هو انني لست ضد اي شخص بالمنتدى وانما الامر مجرد نقاش ,وتبادل الافكار والاراء بيننا حول قضايا سياسية بامتياز اقدر كل ظروف الجميع واتخيل نفسي في وضعكم كيف كنت ساقاسي واعاني مرارة الحرمان والبطالة حتى انا لدي اخ واخت مجازة واعرف نفسيتهما الحالية جيدا فمزيدا من الصبر والارزق بيد الله واعلمي ان هده الحياة فانية وستاخدي حقك مهما طال الزمن

اصلا جميع السلط في يده بطريقة غير مباشرة

شوف هذيك شعارات خاوية اخي عرفتي احمد الله وشكروا دابا راك تتكلم وكلشي ولا موضوع عندك قبل الناس في منازلها وكانت خايفة اخي تنقوليك ومن مصادر قريبة هذا الانسان الله يسمح لينا منو راه مكرفس حتى مكان ممخليه للعمل عرفتي بعد في الاول هو مكانش باغي كاع هذا الزمر كامل لكن راه غادي دقة دقة لكن اللوبات الصعاب عندنا ممخليين والوا حتى حاجة تبان وهذوك الاحزاب لي كل نهار تيتزاد حزب فحال الطحالب البحرية اخويا اشمن كلشي السلط بيدوا علاش تتقلبوا راه منتهى الحرية هيا الي عايشين فيها خاصنا غير الخدمة فقط الحمد لله بلادنا جنة والامان فيها تخرج مع 10 مع اي وقت تحمد الله عليها والى كتقلبوا على شي حاجة اخرى شوف وراك وشوف تونس اش حقات وشوف الاندال ديال المصريين اش حقوا وليبيا اخي سير احمد الله وشكروا انا حنقي على العمل او على سياسة الحكومة وتنقولها عشقي لملكي ومن عشقي لارضي واهلي وهذي تربية تربيت عليها
قل ماشئت متملقة منعرف اشنو تنبغي ملك بلادي وتما عندي نقطة بلا فاصلة
شي الاخر الا الا الا الا الا وبليون لا وراي هذاك احترمني فيه

الله يهديهم على نفوسهم غدا أمام الله غيمشيو متقلين بدنوب الشباب ما علنوا على المباريات بهدا الشكل حتى الشباب كبر وناد فيه الشيب و قالو لهم تجاوزتوا السن القانونية لاجتياز المباريات حرام أشنوا دابا خاصهم دار العجزة لا صلير لا تقاعد أش غادي ديروا شوف هدا الإحساس ديال تجاوزتي السن القانونية ولاش خليتني حتى كبرت من الأول قول ليا ما تقراش سير دير حرفة كول بها الخبز

المحبة كاينة وحقي ماوخدوش ليا هو حقي عاطيون الناس السمسارة ومخلينوا ضايع والناس الي تترسم الولاء لشي احزاب دون احزاب لا لشيء سوى للمصلحة
اختي تبارك الله عليك لقد جئت بسنام الحديث من الاول متقوليش قرا وملي نحط السن نراعي هذزك الناس الي قلتيوا ليهم لا للتوظيف المباشر غير بمباراة كاينين ناس فات سنهم 45 ومسجلين في اللوائح ديال المعطلين فحال تيقوليهم سيروا فحالكم راكم مقصيين وحتى مباراة الشرطة راه قلت ليك راه غير البلابلة اختي الخاوية من طرف هذاك الانسان سبحان مغير الاحوال في المنتديات ديالوا قبل مايطلع غن غن غن غن وحتى شي حاجة من الغنغنة مادارها والو بقينا غير نغنيو الله يسترنا ويجيرنا اصعب شيء يقتلك انسان تيشهد بالله عرفتي الله يصاوب حتى دار العجزة ماتقبل علينا

وانت من اهل الخير اخي الان قد تكلمت ليس هناك دو نية حسنة لكل له هدفه ومصلحته التي يجري من وراءها ويزرع الفتنة او اي شيء لكس مصلحته هو فقط سواء اكان حزب او جهة او جمعية وفي الاخير اخي تحلى بروح المواطنة هل تكره اباك قد تنتقد في طريقته لكن لا تكرهه هكذا نحن مع وطننا وملكنا وارضنا وديننا هو وشاحنا فانا اكره ماكره هم المصريين الذين لم يتركوا لله اي ياخذ حقهم كيف لم يرحموا عزيز قوم صافي حيدوه لما السجن والقتل وماذا وبنفس باردة يقولون هو فرعون وهم موسى نصبوا انفسهم انبياء الله الله اذا تخاصمت مع شخص وفوضت له الامر يعطيك ماتريد لكن ان اخذت حقك وبابشع الطرق مثل ماعملوا المصريين اكيد راح يتخلى عنا الله
وفي الاخير وليس باخر الله يسمعنا خير ويدير بارضنا خير انشالله

آمين وياربي استرنا واعطينا حسن الخاتمة

امين امين امين ياربي كامليا ان جماعة دوزتي فيها ممكن نعرف

أحلام شدوك صحاب الحال و بغيتي تبيعي صاحبتك ياك

حاشا ولله نموت ومنبعيش الي تنحب نموت بجوع قلت ليك رغم الفقر فكاينة الشجاعو وكاينة العفة ولله الحمد

هدا الشي اللي بان لينا فيك الله يحفظك ويعطيك ما نويتي انت و جميع الأعضاء

ياربي لينا وليك ولكل المسلمين اختي كامليا الله يسترك ويحفظك

أمين
أحلام صباح ثاني صبحوا علينا ما تبقوش تخرجوا على موضوع الجماعات المحلية غير أنا وياك دابا كيف نديروا لهاد الجماعات مع 4 الصباح

هههههههههههههههههههههههه عادي رانا ديت عليهم تيجيب لي ربي راه احنا في البرلمان وانا وايك تنتحكاو والاعضاء نيام ومرة مرة رؤساء الجلسات تيهزو راسهم عفاكم متخرجوش على الاطار الموضوع دق دق دق دق عادي راكي في اخر الشهر تتخلصي كنائبة برلمانية وحنا تيخلصنا امدجار بالكراد وانا واياك تنخلصوا الانترنيت في الاخير والكهرباء الله يخلصنا ويخلصك

آمين أختي الله يخلص الجميع الظالم والمظلوم

ياربي امين الحبيبة ايوا اليوم يصبحوا علينا اش هذ الشي الشت هذا وزززززززيد وززززيد

اللي عاتبنا يسهر معانا ويشوف غير احنا وسراق الزيت

ههههههههههههههه ضحكتيني وحق الله حتى ارتاحيت معاك اختي كامليا اليوم بالذات راني كنت مهمومة بزاف ومر عندي اسوا يوم الله يفرج وكملتها بتعليق هذاك خاي منير الله يضحكك حتى انت

آمين حسيت بيك سبحان الله من أول تعليق

الحمد لله القلوب عند بعضها واش قريتي العليق الي عملات وزارة التربية على الانتقاء راه مضحك للغاية